Comeza o mes de setembro e, con el, un novo curso escolar na Universidade de Santiago de Compostela. As aulas arrancarán este venres 4 de setembro de 2026, prolongándose no primeiro semestre ata o 18 de decembro. Logo dunha pausa para desfrutar do Nadal, do 21 de decembro ao 7 de xaneiro, todo estará preparado para retomar as clases o 25 de xaneiro, estendéndose o segundo semestre ata o 14 de maio.

Ao longo do curso escolar, haberá outros momentos no que parar a descansar. Por exemplo, o 8 e 9 de febreiro, isto é, luns e martes de Entroido ou Semana Santa, do 22 ao 26 de marzo. Así mesmo, cada facultade terá o seu propio día festivo, que podes consultar aquí.

No que se refire ao período de exames, o último día para a publicación das listas de cualificacións será o 28 de xaneiro para a primeira oportunidade do primeiro semestre, o 10 de xuño para a primeira oportunidade do segundo semestre e o 15 de xullo para a segunda oportunidade de ámbolos dous períodos.

Pola súa banda, a data límite para a presentación dos traballos de fin de carreira e máster (TFG e TFM) para a súa defensa en setembro será o 30 de xullo ou o 10 de setembro de 2027, segundo o determinen os centros.