A chegada dos exames sempre trae consigo nervios, cafés de máis e noites longas. Tanto se estás xa na universidade como se te preparas para entrar nela, dende Residencia Rosaleda en Santiago de Compostela queremos compartir contigo algúns consellos que che axudarán a afrontar esta etapa con máis seguridade e eficacia.

1. Organiza o tempo (e cúmpreo)

Fai un calendario realista coas datas dos exames e reparte o estudo por días. Non o deixes todo para o final. Pequenas doses diarias son moito máis efectivas que maratóns de última hora.

2. Crea un espazo de estudo cómodo

Procura un lugar tranquilo, con boa luz e libre de distraccións. Ter sempre o móbil á man non axuda: se o necesitas, usa apps que bloqueen notificacións durante o tempo de estudo.

3. Emprega técnicas de estudo activas

Subliña, fai esquemas, mapas mentais ou explica a lección a outra persoa. Cantar a materia tamén vale se che axuda! Para a PAU, practicar con exames de anos anteriores é fundamental.

4. Fai pausas

Cada 45-50 minutos de estudo, para 5 ou 10. A mente necesita descansos para render ben. Saír a dar unha volta pola residencia ou tomar algo pode ser máis produtivo do que pensas.

5. Durme ben

Durmir pouco non é estudar máis. O cerebro necesita descansar para fixar o aprendido. Unha boa noite de sono é a mellor aliada antes dun exame.

6. Confía en ti

A preparación é a base da confianza. Se fixeches o teu traballo, vai con tranquilidade. Os nervios poden xogar unha mala pasada, así que respira fondo e lembra: non hai que ser perfecto, só dar o mellor de ti.

Dende Residencia Rosaleda desexámosche moita sorte (e moita paciencia)!